7aytna
اهلا ومرحبا بك داخل منتدى حياتنا

نتمنى لك قضاء اوقات سعيدة

اذا كنت زائر يرجى الضغط على تسجيل

واذا كنت عضو يرجى الضغط على دخول


7aytna
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 صندوق النكت

اذهب الى الأسفل 
كاتب الموضوعرسالة
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: صندوق النكت   الأحد فبراير 21, 2010 1:09 am


الموضوع ده معمول علشان أى حد عنده نكته أو مجموعة نكت

ييجى يكتبها هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الأحد فبراير 21, 2010 1:12 am


انا هبدء انا بقي ودي شويه نكت كده يارب تعجبكم

مره واحد اشترى لمبه مسمار دقها في الحيط

واحد بلدياتنا اشتري راديو حط فيه حجرين المذيع اتسطل

مهندس زراعى ظبطوه بيبرسم مع الأرانب

مره واحد بلديتنا لقى خاتم سليمان جه يدعكه فعص العفريت

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

عشرة صعايدة بيتعلموا ربط الكرافتات تسعة ماتوا وواحد فى حالة حرجة
مره واحد بلدياتنا دخل خلاط الأسمنت طلع منه قال والله منش داخل الملاهي تاني

مرة واحد بلدياتنا الباب افل على صباعه الباب ازرق

مرة 5 دخلوا كلية الهندسة اثنين طلعوا مهندسين وثلاثة مدينة نصر


واحد بلديتنا خلع العمة فقد الذاكرة

أبو العربى قابل الوله أينو وقاله مش تباركلى أناهجوز البت سعاد قاله ياراجل ديه متنفعكش قاله ليه قاله ديه بورسعيد كلهامشيت معاها قاله يا راجل هى يعنى بورسعيد كلها أد أيه!!!!
واحد حب يصطاد ارنب - قلد صوت الجزر

واحد رخم جداً دخل السينمــا مالقاش فيهــا غير واحد بس قعد وراه ..وقال له لو سمحت راسك علشان مش شايف

مرة واحد مسطول بيلعلب كورة اخد الكورة على صدرة طلعها من منخيرة

ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة


مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح


اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر

فار محشش قال : كل القطط تحت جزمتى لقى وراه قط اسود قال الا ابو سمره حبيبى

واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب

مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مره واحد بيحشش بيقول لصحبه امبارح جيت اسحب نفس قالوا لى ملكش رصيد


واحد سكران كان بيعاكس وحدة وحشةاوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوء بكرة وانتي

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه



واحد سكران فتح التلاجه وبص للجلي ...وجده بيرتعش :قالوه متخفش هاخد عصير



واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه قاله السكران طب شكرا



مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة)


مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا



واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟؟؟



مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش



جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس



مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟



مرة واحد مسطول جه يخرج من العربية لقى الدنيا بتمطر راح خارج من الباب التانى



مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .



نملة ماشية على حرف كوب عصير فراولة فقالت : ياه اخيرا شفت البحر الاحمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
avatar

عدد المساهمات : 266
تاريخ التسجيل : 11/02/2010
ذكر
العمر : 27

مُساهمةموضوع: رد: صندوق النكت   الأحد فبراير 21, 2010 1:29 am

وهو بعد اللى انت قولتة فى حد لسة قادر يكتب

موضوع مميز يامكرم

_________________



اعمل ثلاثه (تحب ، تضحي ،تسامح) واجتنب من ثلاثه (تجرح ، تكره ، تخون) لاتصاحب ثلاثه (متكبر ، جاهل ، خائن) واعطي الناس ثلاثه (المحبه , الوفاء , الاخلاص)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://7aytna.alafdal.net/
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الأحد فبراير 21, 2010 1:39 am


ياغالي عايزين راحتك بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الأحد فبراير 21, 2010 2:52 pm

واحد اتصل بزوجته وقال لها انا كسبت المليون جهزي الشنط قالت اجهز ملابس الصيف ولا ملابس الشتاء قال اي حاجة المهم ارجع ما ألقاكيش في البيت

قالوا للريس مش حاتقول خطبة تودع بها الشعب.
قال لهم ليه هو الشعب رايح فين‎؟

‎صعيدى دخل الجيش اسمه ثابت كل ما يصرخ الضابط ثابت يقول : نعم يا فندم !!!
الضابط يقوله : يابابا مش باندهلك أنا قصدي اثبتوا .
وفى يوم عرف الضابط ان الوزير حايزورهم وقال : أكيد ثابت حايبوظ اللقاء مع الوزير ، فأحسن لي أطلعه اجازه .
وصل الوزير وصرخ الضابط : ثابت صرخوا العساكر كلهم:
طلع اجازه يا فندم

ومازال الخبراء الصعايدة فى لبنان محتارين الى الآن هل الذي مات الحريري ام رفيقه

فرخة اتجوزت فيل ..جابوا تـشكـِن فيليه

صاحب شركة كادليز دخل فى قضيه خرجوه بكافوله

مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل
ما اسكر اعملى مصيبة)

حكم كوره أعد على قهوه ... طلب واحد صفر

واحد سباك نفسه اتسدت غرقت الشقة

واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

نذل يبكي في جنازة سألوه تعرفه ؟ قال: لا بس سمعت ان البكاء يعذب الميت

مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء

تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه ههههههههههههههههههههههههه ( الحدق يفهم )

مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!

بلديات فتح محل انابيب غاز .. فجّر اسطوانتين فى وسط البلد دعاية

تلاتة ركبوا طيارة ...واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة

مرة ممثل كبير جاله دور برد , رفضه !!

مرة مذيعة عملت عملية في ظهرها...شالولها فقرة ..و حطوا برنامج !!

مرة واحد حشاش بيعلب كورة اخد الكورة على صدرة طلعها من منخيرة

ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا اريال ..

ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي

واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

اسرائيلي حاول يغازل فلسطينية قالته روح بلاش أخليك خبر عاجل

سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي .

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

طلب مدرس من تلميذ غني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!

اية اللى اصغر من الحشرة............ ......التسحة

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق


مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم

صعيدى شاف أمه محروقه والنار طالعه منها قالها
منوره يا حاجه هههههههههههههههههههههههه

مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه

بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟

اتنين بدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامها سمبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك

واحد راح يعزى رجع من العزا, مراته بتقوله عزيت؟؟ قالها لأ ع السمنة

واحد كمسري بيقول لابنه تذاااااااكـــــــــــــــــــــــر ............ . تنجح

ايه أسرع ثلاث وسائل للاتصالات؟
Telephone
Television
Tell -a- Woman

مرة واحد بلديتنا خرج من محطة مصر لقا بتاع الانابيب بيخبط قلوة افتحلى وحدة بس تكون سقعة


واحد هو وابنة مش عارفين ايه هو الاسنسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزر وطلعت بعد شوية نزل الاسنسير واتفتح خرجت منة شابة جميلة ..فقال لابنه :روح هات امك هنا

اتمنى من الله ان يتمتع الجميع بهذه النكت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الثلاثاء مارس 02, 2010 12:28 pm

واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" ‏قالها: "الحب زى النجوم الجميلة اللى فى السماء " قالتله "طب والجواز؟" قالها:"دى الحفرة اللى ‏واحنا بنبص على النجوم بنقع فيها



واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ‏ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين.



‏ واحد نشر في إعلانات مبوبة :مطلوب زوجة تاني يوم جاله 100 جواب فيهم نفس الرد: تاخد ‏بتاعتي؟؟



واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. ‏طرررررخ الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق" الزوجه صدقته وراحت لحالها... بعد اسبوع،الزوج قاعد في ‏أمان الله يقرا الجرنان، وفجأة جت مراته وضربته بغطا الحلة على راسه الزوج: "خير يابنت ‏الحلال في ايه تاني؟؟" الزوجه:"حصانك على التليفون



مرة >واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية




مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها



واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز





واحده وحشه بتقول لجوزها
بكره عيد ميلادى . قالها هنقف دقيقتين حداد





مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى ‏بتجيلك؟ "



مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا هتعمل إيه؟" ‏قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد ‏جوازكوا الخمسة وعشرين هتعمل ايه؟" فقالوا "هروح اخدها"





مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ‏؟ قالت له:أصله كان بيحب واحدة ومتجوزهاش ..
دخل العنبر الى بعده لقى واحد بيضرب نفسة ‏بالشبشب قالها وده ماله قالتله اصل ده اللى اتجوزها‏ ؟؟



واحد بيقول لخطيبته لما ازمرلك انزلي قالتله هو انت اشتريت سيارة قالها لأ اشتريت زومارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الثلاثاء مارس 02, 2010 12:30 pm

نكت عن المشرفين بعد اذن الاداره

أتمنى الكل ياخذها بروح رياضية .....


1- مشرفه أنجبت توأم أحتفظت بواحد وحطت الثاني بقسم المواضيع المكرره....

2- مشرفه وصلتها فاتورة التلفون كبيره عملت لها تعديل....

3- مشرف يتغزل بخطيبته قال لها أنتي موضوع عمري ........أنتي

مشاركه حياتي ......

أنتي كل صلاحياتي....

4- مشرف يبغى يعرف حبيبته تحبه و لا لأ دخل على المنتدى ..

و بدا يحذف بالمواضيع واحد ورا الثاني (تحبني _ما تحبني_ تحبني_ما تحبني)

6- مشرف متخانق مع زوجته عملها حظر

7- مشرف يبغى يخطب وحده يقولها ممكن أسجل عندكم في البيت ..

بس ياريت والدك مايتأخر عليا في رسالة التفعيل

8- زوجة مشرف نسيت تحط ملح في الاكل حطلها تقييم سالب

9- مشرفه عندها حاله نفسيه كل ماتكتب موضوع تحذفه

10- مشرف اقام حفـــل زواجـــــــه في قسم التهاني والمناسبات

11- مشرف يبي يطرد عضو مميز من المنتدى حط بواحد من مواضيعه حشيش وبلغ عنه ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دنيا ودين



عدد المساهمات : 124
تاريخ التسجيل : 13/02/2010
انثى
العمر : 27

مُساهمةموضوع: رد: صندوق النكت   الثلاثاء مارس 02, 2010 9:51 pm

هههههههههههههههه

جميلة اوى النكت يامكرم وخصوصا بتاعة المشرفين دى

تقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكرم

avatar

عدد المساهمات : 148
تاريخ التسجيل : 19/02/2010
ذكر
العمر : 26
الموقع : المنصورة انشاء الله

مُساهمةموضوع: رد: صندوق النكت   الثلاثاء مارس 02, 2010 10:20 pm


هو انا اللي هقول بس ولا ايه؟؟؟

احنا عايزين اللي يدخل يقول النكت اللي عنده

شكرا لمروركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صندوق النكت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
7aytna :: المنتديات العامة :: المنتدى العام-
انتقل الى: