دعوه لمقاطعه الفيس بوك يوم 11/4

لكل من يغيير على دينه يقاطع الفيس بوك الذى يسمح بعمل جروبات تقوم بسب رسولنا الكريم ( محمد ) صلى الله عليه و سلم

ده الجروب اللى يسئ للإسلام والمسلمين على الفيس بوك اسمه كفايه :

Dagbladet, IKKE si unnskyld for trykkingen av muhammed tegningene!!



حسبى الله ونعم الوكيل


ورغم قيام اخ فاضل بعمل جروب ينادى بغلق هذا الجروب المسئ للإسلام لكن إدارة الفيس بوك ليس لها أى رد فعل ..!! العكس طبعاً فرحانين لأن ده مكسب ليهم
أقولكم ازاى :
أى ضغطة من الموس فى موقع فيس بوك وكل صفحة بنقلبها دى فلوس داخلة للموقع .. كل زيارة انت بتعملها للموقع دى فلوس داخلة للموقع .. لان لازم الفيس بوك يزود عدد الزيارات اليومية اللى بتسجلها شركة ميكروسوفت ومن خلالها بيبقى زوار الموقع كتير وبالتالى يطلب اكتر واكتر فى ثمن الاعلانات .. وده غير عقد المساحة اللى بتمنحهاله شركة ميكروسوفت زيادة مع كل زائر جديد ..

يعنى لو اليوم ده قاطع الموقع مليون واحد من الناس اللى بتدخل كل يوم + الناس اللى من الوارد ان فى اى يوم ميدخلوش لاى ظروف .. الموقع هيخسر كتير ويا سلام لو كنا مهتمين بالموضوع بجد وقفلنا الاكونت بتاعنا من دلوقتى .. أكيد الفيس بوك مش مهم للدرجة يعنى
واكيد الاسلام اهم منه بمراحل يا مسلمين
وأكيد لما الفيس بوك هيخسر كده هيعرفوا اننا مسلمين بجد ووقفنا قصادهم وقاطعناهم وعرفناهم ان الفيس بوك ده مش ضرورى بالنسبالنا بالعكس ده وسيله للترفيه مش اكتر ..صح؟
وعلى فكرة فى اكتر من الف موقع اسلامى عاملين نفس الدعوة للمقاطعة ومنتديات سبقتنا
أوعى واحد يقول انا مش هقاطع يعنى هى جت عليا انا ؟؟؟ اه جت عليك لأن لو كل واحد عمل كده هتلاقى المسلمين كلهم على الفيس بوك ومحدش قاطع ولا عملنا حاجة.
لازم نكون اقويا مش كل يوم نسمع عن حد عمل غرفه لسب الرسول وتانى يوم الفيس بوك
يا جماعة وصلت لكتابة القرآن على ورق التواليت انتو مش مدركين الموقف ولا ايـــــــــــــــــــــــــــــــه ......!!!!!
مش هنقدر نقف قصادهم ولا ايه
وفى أخ فاضل عامل جروب على الفيس بوك بيدعوا الناس للإشتراك فى جروب وزياده عدد الاعضاء عشان نضغط على الادارة بتاعت الفيس بوك وتقفل الجروب الح

بس منصحش حد يدخل يشترك فى الجروب ده ..
لأننا بكده بنزود عدد الافراد على الفيس بوك وهما كسبانين مننا كتيييييييييير وصاحب الجروب مش واخد باله من الموضوع ده بس انا بعتله رساله يا ريت يقتنع بيها ويقفل الجروب ..
و أرجو من اللى اشترك فى الجروب انه يخرج منه وياريت كل واحد فينا يقفل الاكونت بتاعه عشان نبقى ايد واحده قصاد اعداء الاسلام.. والناس اللى غرضهم أموال فى النهايه

لازم يبقى لينا موقف ومش نبقى سلبيين ونقاطع الفيس بوك لو اللجروب مش اتقفل
المقاطعه هتكون يوم 11/4 واحنا مش هنموت لو مش دخلنا الفيس بوك يعنى بس هما هيخسروا كتير
عشان يعرفوا ان محمد حاجه كبيره عندنا مش اسم وخلاص لا وفعل كمان
و ده اسم الجروب بتاع المقاطعه
https://www.facebook.com/group.php?v=wall&gid=387073169553#!

اذا كانت المقاطعة هى السبيل فاهلا بها

بس فعلا يامكرم عاوز اوضح شوية حاجات

اول حاجة ان فية جروبات كتير على الفيس بتجمع اعضاء علشان تغلق الحاجات دى

تانى حاجة من حق اى واحد على الفيس انة يدخل يعمل ريبورت على ان الجروب دة فية حاجة غلط

تالت حاجة وهى لهواة الفيس بوك
فية فيس بوك جديد اسمة الفيس بوك المصرى

لو عندك تعليق انا فى انتظارة

تحياتى يامكرم