ahme_d
عدد المساهمات : 3 تاريخ التسجيل : 20/02/2010
| موضوع: قصه جميله (يوميات بنت فى الجامعه) الثلاثاء فبراير 23, 2010 7:58 pm | |
| بصى يا جماعه دا اول موضوع ليا هو عبارة عن قصه لبنت فى اول يوم ليها فى الجامعه ولو عجبتكم هحط كل يوم حلقه جديدة .
المكان : كلية تجارة بأي جامعة في اي مكان في مصر الوقت :اول يوم في الدراسة الشخصيات: احمد : "سقيط كبير" شاب في الثالثة والعشرين ولازال في السنة الثالثة بالكلية. صافى: فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة. كريم : صديق احمد بالسنة الرابعة وهو طبعا اصغر من احمد. مريم : صديقة كريم واحمد ,بالسنة الثالثة , قريبة لصافى من بعيد. بوسى: صديقة صافى من الكلية فتاة محبوبة ومؤدبة. **************************************************
(الحلقه الأولي)
حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية احمد وهو يلتفت بجسده وعينيه خلف فتاة تسير امامه نافثا دخان سيجارته احمد: الدفعة الجديدة شكلها جامد مووووت. كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة. احمد: ايه السيرة الغم دي , النهاردة اول يوم , خليك خفيف كده عشان احبك. كريم: يييييييه اهي مريم وصلت هخلع انا بقي عشان دي جايه كمان ومعاها واحدة صاحبتها. كاد احمد ان "يخلع" مع كريم ولكنه رأي ان الفتاة التي مع مريم من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة. ********************* صافى: انا خايفة يا مريومة اني ميبقاليش اصحاب في الكلية. مريم: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين . صافى: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي...... مريم: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة. صافى: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده. مريم بصوت خافت: انا قلت برضه انتي هتتعبيني. ثم بصوت عالي : ايه ده كريم وايمو اهم .......هااااااي. صافى تصيح وهي تحاول اللحاق بمريم التي توجهت نحو الشابين : انتي رايحة فين؟ مش كنا هنجيب الجدول بتاعي؟. ******************* اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد ضربت مريم بكفها علي كف احمد وهي تقول: مريم : ايمووو انت فين ياراجل رد عليها برخامة: في الدنيا هكون فين يعني ؟ مريم :ايه الغلاسة دي وبعدين كريم ماله كده جري زي الي عليه فلوس لحد . احمد: اصله افتكر واحد صاحبه كان مستنيه . مريم : اه. احمد بتسبيل : مش تعرفينا . مريم : لا مش هعرفك ,مش سكتك خالص على فكرة . شعرت صافى بالحرج من الكلام الذي يدور وحاولت ان ترد بأي شيء فصمتت اخرجت مريم تليفونها المحمول وطلبت رقماً: مريم : ايوه يا واطي ..... جريت ليه اول ما شفتني ........يا راجل ... ومدت برجليها بعيدا قليلا عن احمد وصافى احمد: انتي بقي سنة اولي ؟ احمد في رأسه* اكيد والا كنت شفتك . صافى بخجل :اه صافى في رأسها *يوه يا مريم خلصي بقي. احمد: معاكي الجدول ولا اجيبهولك . صافى وقد ارتبكت : لا ... ماهي مريم هتيجي معايا... يعني ..هنشوفه . احمد: طب استني خليكي هنا. وانطلق كالصاروخ مغادرا اياها ,في نفس الوقت الذي انهت فيه مريم المكالمة مريم:الله؟ فين الواطي التاني؟ صافى : معرفش , قالي استني وجري , تعالي نمشي. مريم: هوقال راجع ولا قال ايه؟ صافى: مقالش حاجة يلا نمشي بقي. مريم : لا استني اهه, ماله بيجري كده ليه ؟ وصل احمد لاهثاً ومد يده بورقة الي صافى احمد: اتفضلي يا ستي , جدول سنة اولي. نزعت مريم الورقة من يده وهي تجذب يد صافى بعيدا مريم: متشكرين يا سيدي , بس ريح نفسك , قلتلك مش سكتك . اعترض طريقهم قبل ان تغادرا ا احمد : ايه ايه , رايحين فين ؟ مريم : انت مش جبت الجدول , يلا باي بقي البنت جديدة وهلففها في الكلية. تجاوزتاه وهو يتابعهما ببصره قائلا احمد : اجي معاكو. مريم تهتف وهي تجر صافى ورائها جراً مريم : لا شكراً. ظل احمد يتابعهما ببصرة وهو يقول في نفسه *ودي مين دي يعني الي مريم خايفة عليها اوي كده؟؟؟ , هتكون تفرق ايه عن البنات التانية؟؟؟. صافى وهي تكاد تركض خلف مريم , التي انطلقت وكأن كلب يجري خلفها *ودا مين دا يعني الي مريم خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟
وانتظرووووووووووووون | |
|
admin Admin
عدد المساهمات : 266 تاريخ التسجيل : 11/02/2010 العمر : 32
| موضوع: رد: قصه جميله (يوميات بنت فى الجامعه) الأربعاء فبراير 24, 2010 2:21 am | |
| منتظرين الباقى ياحمد
تسلم ايدك
تحياتى | |
|
دنيا ودين
عدد المساهمات : 124 تاريخ التسجيل : 13/02/2010 العمر : 33
| موضوع: رد: قصه جميله (يوميات بنت فى الجامعه) الثلاثاء مارس 02, 2010 9:39 pm | |
| الموضوع جميل يااحمد
مستنيين تكملتة
تقبل مرورى | |
|